അദ്ദിക്ർ

പ്രവാചകന്‍റെ കാലത്ത് മദീനയിലുണ്ടായിരുന്ന ജൂതരോട് അവരുടെ പൂര്‍വ്വികരുടെ ധിക്കാരത്തിന്‍റെയും ധാര്‍ഷ്ട്യത്തിന്‍റെയും സ്വഭാവം ചൂണ്ടിക്കാട്ടി അതിന്‍റെ അനന്തരഫലം എന്തായിരുന്നു എന്ന് ചോദിക്കാനാണ് സൂക്തം ആവശ്യപ്പെടുന്നത്. 2: 65-66 സൂക്തങ്ങളില്‍ വിവരിച്ച പ്രകാരം ഐല എന്ന സമുദ്രതീരത്ത് താമസിച്ചിരുന്ന ജൂതരില്‍ ചിലര്‍ ശനിയാഴ്ചനാളില്‍ ലൗകികകാര്യങ്ങളിലൊന്നും ഏര്‍പ്പെടരുതെന്ന കല്‍പനയെ ധിക്കരിച്ച് മത്സ്യബന്ധനം നടത്തിയപ്പോള്‍ അവരെ നിന്ദ്യന്മാരായ കുരങ്ങുകളാക്കി മാറ്റുകയുണ്ടായി. അതുപോലെ 5: 60 ല്‍ വിവരിച്ച പ്രകാരം ഈസാ പ്രാര്‍ത്ഥിച്ചതിന്‍റെ ഫലമായി ആകാശത്തുനിന്ന് ഇറക്കപ്പെട്ട ഭക്ഷണത്തളികയില്‍ നിന്ന് ഭക്ഷിച്ച ശേഷം അതിനെക്കുറിച്ച് സംശയം പ്രകടിപ്പിച്ച ജൂതരെ പന്നികളാക്കി പരിവര്‍ത്തിപ്പിക്കുകയുമുണ്ടായി. 5: 97-98; 9: 67-68; 10: 33 വിശദീകരണം നോക്കുക.